Error 成員保錡近年來熱愛跑步，跑到《公司冇逼我跑馬拉松》，從 10K 比賽跑到台北全馬，成立「大埔民間體育會」，開始推行跑步活動，早前與林淑敏（大小姐），許家傑（送水輝）一同練跑合照，被網民問「係咪要加入接龍集團（笑）」。
（圖：k_p0k1）
保錡早前在社交平台說道：「2024年暫時對於我來說不是十分特別快樂，知道自己快 33 歲生日，請粉絲們今年不要做任何戶外廣告牌慶祝。」1 月 25 日保錡渡過他的 33 歲生日，他選擇與一群跑友在大埔大王爺廟吐露港跑15K，可能亦有紀念好友柳俊江之意。他拍下影片記錄，回憶起十年前的生日，再比較十年後的生日，「呢件事令我反思到十年前嘅自己同十年後嘅自己有咩分別。他形容十年前的自己是「超級無敵大垃圾」，每日放工只想著吃喝玩樂，「但係十年後33歲嘅自己，我會諗有乜嘢方法可以令自己更加進步，或者令自己更多內涵⋯⋯每日起身，我淨係諗今日應該晏晝做 Gym 先、跑步先，或者我應該睇咩 YouTube 吸收更多知識。」
（圖：k_p0k1）
「呢個世界好簡單，你唔進步，原地踏步，係同一個 Comfort Zone，後面嘅人就會追過嚟，你自然就會退步，就係咁簡單，所以希望大家都明白，唔好停留喺自己嘅 Comfort Zone。」保錡鼓勵大家要勇步踏出第一步，跳出 Comfort Zone 改變自己：「如果你十年前同十年後做緊同一樣嘢，記得要勇敢，記得要勇敢改變自己，一定要，希望你同我一樣都勇敢踏出第一步，改變自己。
「保錡，生日快樂﹗」
